2008情人節婚紗展

今日第二次去婚紗展, 又係漫無目的咁啦, 都係想看看d agent有沒有新的package, 順便看看香港的攝影公司資料。

入到去, 一路行, 去到一間舖頭面前, 被一張相吸引了, 那張相是一個白色粗相框來的, 很長的一個相框, 我想大約有三張A4紙咁長啦, 相中的背景是藍天與白雲, 相中的新娘子, 是在享受咁這個環境的樣子, 相很美, 吸引了我入左去吹左陣水。那個SALES, 好詳盡咁解釋左俾我地聽佢地公司的概念, 因為間舖叫做MY MEMORY, 佢地著重將一對COUPLE過去的片段再重溫一次, 拍攝的地方不限, 去邊到影都得, 只要你覺得那個地方你喜歡, 你覺得有你的回憶的, 例如說相識的地方, 拖手的地方, 咀咀的地戶等等。有相辦係在消防局的, 有在小學的等等。佢不停咁問, 你地心目中有冇D咩地方想去, 我地說, 其實大致都未相到架, 只係俾你那張相吸引左入黎, 佢話那張相, 無乜點執過的, 因為當天天氣真的這麼好。說著說著, 談了很久, 佢的影風格我喜歡的, 價錢又唔太貴, 六千幾蚊, 包22張相, 當然俾番d相底那種, 跟住油畫, 化妝, 衫, set 頭, 成隊crew跟十一個鐘, 包埋車, 其實價錢真係唔太貴, 而我又幾喜歡用photographer影的, 唔想去那些大公司。其實心目中, 有另一個photographer的, 但係佢價錢會貴左的, 要八千幾蚊, 包五百張相底, 但車唔包, 要租佢車, 或者自己搵車。五百張相底, 確實很吸引, 但比較起來, 佢好似無咁自然。

跟住我地再去watabe啦, 今次招呼的姐姐, 好好多, 我地問佢d package資料, 佢都講得好詳盡, 但好明顯佢係一個新staff, 好多野都唔知, 但係佢好熱誠咁去幫我地問, 同埋盡量解釋, 佢亦好坦白說, 佢都未去過關島, 好多野都係由關島過來的同事形容俾佢知的。今次watabe終於識做promotion啦, 個價錢超吸引, 我心目中的blue aster chapel, 包埋co$8000 package coupon, 都只係$41xxx, d 緍紗禮服種類仲要係unlimit 咁揀, 即係揀幾貴種類的婚紗都得, 佢仲送多本小相簿添。但佢的price只可keep做一年, 做唔到我地心中的日子, 所以只可以另左d info作為參考, 但係都約左個sales, 上去佢地舖頭再詳談。

今天的收獲都算唔少架啦, 起碼如果watabe真係可以做到咁平的話, 我咁係會join佢啦, 因為間chapel係佢的, 起碼溝通都會方便的, 直接d。