香港婚紗博覽2008

今日再去婚紗展, 本來我地唔去的, 但雲妮有免費飛, 所以又去啦, 第三次。

今次無目標的, 只純粹行下八掛下, 但又見到wedding abroad 擺檔喎, 咁咪去坐下吹下水。呢間係一路以來我都未問過的, 但係見forum說, 佢d services差, 所以一直都無考慮過。坐下來, 先聽佢介紹關島, 但我地話俾佢知想九月, 佢話九月雨季喎, 我好多客都要擔遮入去行禮呀, 下我地心諗唔係咁大獲呀, 真係未想過呢個問題。佢的價錢都合理, 係未包隻dvd lor, 所以都仲貴過watabe。而佢又教我地, 要計埋簽證呢個費用, 因為你咁多人去, 呢筆數都好大。而佢又話如果你有guest, 大約十零個, 同埋有老人家, 佢recommend 峇里俾我地。跟住介紹峇里d package, 表面上同關島差唔多, 但實質佢包既野比關島多, 多左相同埋花辦雨, spa等等, 佢又話那邊食野會平d, 多野玩d, 老人家0岩食d, 而且飛機又係早上等等。

俾佢咁講, 確實有心動, 真係又唔使挨那程飛機喎, 又真係有d街俾佢地行喎, 使費又應該會平d咁。但後尾我地都係決定唔變。因為關島始終有日本feel d, 峇里, 印呢feel好重, 而d chapel又無咁靚咁, 我想除左係程飛機之外, 其他都係差唔多的。

跟住我地又去左間叫做cloud 9的婚紗攝影, 我鐘意左呢間野好耐架啦, 佢d相會有graphic的, 但係真係超貴, 一個package都要萬幾蚊, 但只包三張graphic咋喎, 但係佢d相, 又係好自然, 同埋簡單, 而佢本相簿又係好鬼靚的, 但真係好鬼貴。

跟住又八掛咁, 去左聽一間峇里影相的, 那個人好細心咁講, 好詳盡, 而所看的相片, 相中的男主角都係佢。佢影容到峇埋好似天堂咁靚, 但係佢d package又係好貴的, 萬幾蚊影一日未包機票, 但比較下比cloud 9 平的, 話哂都係在海外, 同埋包的東西又多點先。

八掛完, 就幫雲妮做卧底啦, 幫佢再去問佢book左那間酒樓, 夠竟個好日子有冇remark到, 因為佢搵人打過電話去還有的, 所以要再八掛, 同埋睇下仲有冇其他的優惠等等。

做完卧底, 再返去完本那個hall再行埋少少, 見有global wedding, 咪又去看看lor, 呢間野真係keep住唔掂, 佢d service, 佢本相簿, 全部唔掂。再去一間叫做monde的, 再唔掂過佢, 完全唔識做生意的。

走時, 見到奇華, 同埋美心仲係超多人, 真係好似唔使錢咁。