羅浮宮fitting

今日去左羅浮宮fitting, 下個星期就影呢個免費的婚紗相lu, 未去時, 心情都有少少緊張, 緊張在佢會否老屈我其他野呢?
去到後, 有個staff帶左我上左樓, 一個試衫, 化妝的地方, 徐低鞋後, 就俾左四本相簿我揀啦, 我都唔知揀乜, 乜款適合自己, 就諗住雲妮教的, 揀d多pattern的, 因為太plain無效果的, 我可以揀五款來試, 我就盡量揀左五款唔同style來試, 有low cut, 單膊, 吊帶同埋掛頸。

跟住個sales幫我換衫, 先著綱紗, 再著girdle, 即刻成個人窄住左, 呢期水腫, 好辛苦。跟住我只要舉高雙手, 佢就幫我套上婚紗了, 第一件好閃, 唔靚, 第二件, 好重, 第三件單膊, ok, 第四件, 唔記得, 到第五件, 掛頸的, 就覺得ok了, 本來想試多件係有袖的, 但佢話咁會浪費左個膊頭的, 唔建議, 咁呢件掛頸都ok, 我都幾喜歡, 佢左邊係一層層紗的, 而右邊就係拖尾來的, 可以有兩種效果, 咁就選左呢件啦。之後就影左張相, 俾個化妝前的樣子俾造型師睇喎, 再交帶埋d備忘, 咁就ok啦。

走前, 望左望d男士西裝, 都ok, 正正常常的黑色禮服, 我好怕係那些裙哂邊的宮廷那種呢, 反而呢d要加錢喎, 咁核突, 哈哈。連揀連試, 整個過程都係半個鐘頭, 真係好快, 第一次著起婚紗, 無乜感覺, 只係覺得怪怪的, 好似細路仔著左大人衫咁。