布吉婚禮?!

今日肥肥無啦啦同我講, 話佢同事會去布吉, 目的係去參加朋友的婚禮, 四日三夜package都只不過四千蚊到, 加上那邊使費平d, 所以可以考慮。布吉結婚, 只係象徵式的婚禮, 沒有法律效力的, 如要有法律效力, 手續很繁複的, 所以他同事的朋友, 會在香港註冊, 布吉行禮。

其實, 早兩日, 我又在網上看到布吉chapel的廣告, 又研究了一番, 之但係間chapel唔係向海的, 只係向湖, 同埋酒店都係向湖或者園景的。我怕他不喜歡, 所以沒有向肥仔提過。

曾經研究過峇里同埋沖繩這兩個地方, 峇里好像太elegant, 無乜活力的感覺。沖繩就有活力, 但只係象徵式婚禮, 同埋交通不太方便。

布吉, chapel很簡單, 我覺得很美, 玻璃屋, 其實比起關島的更靚, 更簡單, 好純潔的感覺。而這裏的配套又多, 六間酒店俾你揀, 雖然都係住平的那兩間, 但都係suite形式的, 又或是別墅式, 0岩哂一家大細住。又可以出島玩, 酒店設施又多, 又可以出番布吉市shopping, 各人都可以有各種不同的活動, 唯一唔好處就係象徵式婚禮, 要在香港攪多次註冊。

但計番價錢, 好似布吉平d, 起碼食飯的使費可以平左, d野食又0岩佢地食, 選擇會多d。同埋關島無左直航真係好唔方便, d航班時間, 真係有點兒那過, 我怕佢地頂唔順, 又要拎visa, 我諗真係要好好考慮下, 布吉好唔好。