BOOK左影相啦

終於等到今日去婚紗展啦, 雖然差唔多五點先去到, 其實唔係幾夠行的, 因為周圍坐下, 傾下, 今天主力係book影相。

入到去, 先找的的目標green tea, 見網上fourm話ok, 同埋係春天的平線, 咁就去睇下啦。一坐埋去傾左兩咀, 已發覺佢sale野唔掂啦, 因為問佢呢到邊到黎架, 咁多花咁靚0既, 佢竟然答我呢d係商業秘密來的, 痴線, 揭多幾頁, 我已經知道係大埔海濱公園了, 佢真係當d客係傻的, 抵我唔俾生意佢做。

跟住又去左wedding abroad, 諗住問下布吉結婚d package啦, 點知條粉炳, sale都唔sale, 坐低傾的機會都無, 拎左資料走算數。

之後一路行, 經過一間唔識的, 從未見過的影相公司 - vic production, 佢有一張好大的poster掛起, 肥仔話, 好似唔錯, 咁入去坐低傾下啦, 那個sale又好0岩咀形喎, 睇d相佢又一路介紹d影係邊到, 幾時影。最好笑係問佢幾時拎得d相, 佢答我一兩個月啦, 我話咁快, 佢話係呀, 差唔多啦, keep住你d相托咩, 佢公司都無咁多位放, 拿拿聲俾番你地咪仲好。

佢的package只係$8888, 又包車, 包60張相連soft copy, 一大一中一細相簿, 女仔三套衫, 男仔兩套衫, 其實都包得幾多野, 同埋佢有一個景係要租船去西貢白沙灣, 鹽田仔影相的, 個海灘好靚的。而呢個價錢又在我的budget內, 所有野都合附哂所有要求。之但係都係要行多個圈, 諗下先。

諗住去搵my memory, 一間曾用一張相吸引到的的舖頭。之但係搵極都搵唔到, 去到間舖頭, 又唔係佢0個間, 所以結果行多左個圈, 返番去vic production, 那就回頭book左啦, 肥仔話我地先前坐的時候, 都幾多人返轉頭落單。這間是一間小公司, 老細就係影相的人, 所以出得街的相都要經過佢approve, 否則唔可以出街, 同埋佢本相簿都幾靚的, 好多間都無咁的相簿。

唔知呀, 我就係覺得佢地的爽氣, 令到我未曾在網上搵過資料, 我就相信佢地, 家下仲諗緊幾時影好, 好期待呢。