睇樓記 (3)

今日帶左媽媽同埋爸爸再去看看我們心儀的單位, 一個有裝修的, 一個沒有的。

其實這兩個只是前兩天看後, 可以揀得落手的單位, 未去到很喜歡, 又不致於不喜歡。經過兩天的商確後, 由我放假帶領父母看看再作打算。

aunite也來了陪我們一起看, 昨天已經跟她傾好, 她的小動作會提示我何時跟經紀們說, 我想我們還是諗下先, 因為她怕我會答應立即買下, 因為我地都覺得還可以等一下子, 還有還下價, 最重要是給多父母看一下吧了。

到達後, 業主未返, aunite便與媽媽傾計, 我便與經紀陳傾計啦, 經紀陳說, 跟我們看單位最舒服的, 乜都講得, 似朋友咁傾計, 第二d客就不可以咁了。經紀陳很好, 她給予我很多意見, 好與壞她都會跟我說, 只是盛世的經紀在, 便要收歛下, 講番d官腔說話。

這一間的女人, 應該唔憂賣的, 廳望歷奇公園的, 綠色一片, 係細房的觀景有少少樓擋擋。第一次上來看時, 同一個時間, 但總覺得暗暗的, 但今天上到來又不同了, 光猛了很多, 或是佢間屋實在太多野啦, 乜都看不到。

之後去看那個有裝修的單位, 裝修看得出真的用了靚材料的, 並不是大陸料, 但是我最不喜歡便是廳的觀景, 俾樓圍住, 但係房就會有無敵的河景了。但最最最不喜歡是那個業主, 開價高, 還有我不喜歡這個男人的態度, 明明係等錢使啦, 係到扮哂野, 勁sell自己間屋, 我不喜歡跟他做生意。

媽說屋苑的環境都不錯, 但呢兩間揀的話, 都係會揀女人那間, 還樹都係要執, 不如自己裝, 做乜要用錢買人地個裝修, 連經紀陳落街說, 她都不喜歡男人這間。

我們決定返去諗下先, 跟住就同左auntie去左大家樂食下午茶傾計, auntie真的非常的健談, 佢又教識我很多東西, 好多有佢同埋經紀陳咋, 唔係如果我幫襯左祥益, 我諗我已經落左撘啦。她都建議我們等一下, 但都可以還下價, 如果佢肯用我個價賣, 個價都ok可以買, 但佢唔肯賣咪算lor, 等下, 呢兩個月d價都企得很硬。