睇樓記(五)

得閒我就會打去煩下經紀陳, 看看有沒有單位給我看看, 尋晚佢覆我, 盛世會有幾個單位看看, 所以今晚又再展開看樓之旅啦。

最攪笑係, 經紀陳唔記得自己要去飲, 所以係變左盛世的經紀黃帶我地去看的。首先去一個低層單住的, 呢個係平平地, 但唔諗lor, 四樓, 同埋唔係我喜歡的格式, 雖然叫做可以看到少少海, 同埋向南, 但係個廚房多左條柱真係唔好用的, 所以都係看過算了。

根住看一間620呎的, 呢間超攪笑, 我見經紀黃有匙係手架喎, 諗住都係吉屋黎架啦, 點知見佢按鐘, 咁都正常, 行規來的, 但見佢按完唔開門, 探耳埋門聽聽, 根住再按一次, 個心即時離一離, 下唔係間野有污嘈野呀...按埋呢次, 我問, 唔係無人住架咩???? 佢話唔係架, 有人住架, 個心又離多離, 住乜人呀, 你有匙喎.....根住佢又按多一次, 無人開門, 就用匙開門入去啦。原來係業主太太放下左匙俾佢地, 方便佢地朝早帶人看樓, 而入邊有個阿叔係到住的, 入去見佢睹緊馬呀, 唔怪得唔開門啦, 超攪笑。呢個單位超好用, 大廳, 連個細房都好大, 四四方方的, 但係好焗, 同埋d窗的位置確實有點兒古怪, 尤其是個主人房的窗, 古古怪怪咁的。

最後, 看一間有人住的單位。高層555呎, 我心目中的單位呎數, 入到屋, 感覺不錯, 聽望山, 房望河, 係無敵河景, 無任何遮擋, 景觀不錯。而單位, 明顯無任何裝修, 係廿年前的原裝的, 但個地就好似用得番, 牆身一定要油過, 因為佢用d, 我唔識形容的牆身, 當年我估佢買二手後無整過任何野的, 只換左地同埋廁所。

看過後, 我, 肥, 哥哥都幾滿意呢間, 第二間就係620呎的間隔, 而一早又問左歐陽生可以估到價, 所以即刻打番俾經紀陳叫佢幫我還價, 因為呢個業主講明無120萬, 唔好上去看樓的, 但我好明顯係唔會俾120萬佢啦, 現在只有等。