旺角看磚記

今日同肥肥兩個到旺角一轉, 目的係揀好想要的磚, 再襯廚房, 廁所櫃色, 同埋屋的牆身色。

晨早先到律師樓拎番管理費按金單, 再到尖咀拎番對戒指, 先到旺角看磚。對戒指到手啦, 好開心呀。

到旺角, 心目中想買d木紋磚, 發覺而家d地磚全部都好大塊的, 24x24吋的, 第一間個姐姐, 好nice, 見到佢的木紋磚都唔錯, 但好得意, 我見到無乜顏色, 佢答我, 你係呢到呢d長條磚揀色啦, 我地超界出黎架咋, 佢賣的係大陸磚, 一塊要五十幾蚊, 可接受, 而我地再揀埋廚房, 廁所牆身磚, 地磚, 我決定灰色做廚廁地磚, 再揀埋紙被石, 抄好哂no, 影好相, 再繼續行。

再行, 大部份的舖頭都係賣一式一對的東西, 看到另一間的木紋磚很美, 係葡萄牙磚, 但細塊d, 得20x20吋, 需然係四十幾蚊, 但用料會多左, 咁即係貴d啦, 但舖出來真的很美。跟住都無乜心水啦, 間間都係差唔多, 意大利靚的, 又買唔起, 見到間杜拜磚, 超靚, 但好很貴。

行到無心機行了, 抄左幾間no, 跟住走去食麥當當食餐換杯, 超勁多人, 同埋好多顏色都售馨了。食完後, 我死心不息, 再行多次, 今次一行, 就入左去一間我以為佢賣意大利磚的舖頭, 我只係見佢d磚特價四十幾蚊, 咁看看啦, 但原來佢賣的係大陸磚來的, 但望落去似意大利磚, 我同肥肥都很喜歡佢的直紋磚, 帶點藍藍地的, 又抄no, 再看看有沒有其他磚, 抄哂no, 我地就走啦, 因為已經決定要呢隻磚。

由旺角, 搵左架巴士落九龍灣宜傢, 結果撘左成個鐘, 還好, 可以休息一下。去到宜傢, 又左看看右看看, 夠竟可唔可以買到佢d櫃呢? 結果發覺佢d奇呢呎吋, 我係一個衣櫃都放唔到的, 我地結果看到一個鞋櫃, 唔錯唔錯。

行左成日, 我返到屋企, 結果我又拉親條腰, 又痛。

@ 喜歡的廁所及企缸地磚

@ 喜歡的廚房牆身磚

@ 喜歡的地磚