帝苑酒店

今天約了Yvonne睇場, 放工一條友慢慢遊星光大道, 舒發下呢期的心情。

在酒店大堂見到Yvonne, 唔似熊貓酒店的那個, 唔係好希罕做你生意的模樣, Yvonne很nice, 即係0岩咀形那種啦。這裏的ball room在二樓, 先看一間細的, 有我很喜歡的紅色backdrop, 有落地玻璃, 但望唔到出邊係乜, 四個會議室打通後, 可以坐到大約96人, 我諗夠啦掛, 都係六十零個親戚0者, 咁加埋兄弟姐妹, 仲有住請光叔佢地, 光叔叔係必請人選, 我點都要留個位俾佢, 那天佢生日, 我跟佢說, 我結婚啦, 佢超勁開心, 哈哈。

我地問Yvonne, 酒水有冇得減d呀, 佢話要問下, 同埋我又想改menu, 佢個menu實在太普通過唔普通啦, 等我改改佢先。我都係不斷咁問, 新鴻基員工有冇折, 佢話連佢自己都無呀, 哈哈。

去完帝苑, 都ok啦, 個環境, 咪舊式酒店的裝修啦, 個場地可能舊左少少, 但算啦, 但求搵個地方坐得哂,同埋佢d野食應該ok的。其實我仲有個concern就係當天係東亞運的開幕, 我怕會封路, 但後尾分析後, 去程應該無問題的, 回程都自己顧自己啦, 唔理佢地啦。

去完帝苑, 去左百利看花球, 看了幾間, 間間的價錢都差唔多, 後尾睇中左一間, d款潮d, 同埋佢姐妹花飾唔錯, 我很喜歡佢那個款, 雖然會貴少少, 還樹我都用唔哂咁多個, 用來轉俾d姐妹都唔錯, 但都返屋企諗清楚我想要乜色花球先返去訂啦。