sofa送到

呢張sofa真係把鬼火, 吉之島真係離哂譜。

在俾尾數之日, 已經通知27號可以送貨, 佢話27號未必得, 因為可能28號先有車去屯門, 咁ok啦, 28都無問題啦, 佢仲話覆我。跟住我見無人覆, 我咪23號那天打去問佢sofa幾時送, 佢答我張單hold左喎, 我話hold左我俾哂錢, 係等緊你地覆我幾時送咋喎。個姐姐仔仲要話, 你要四日前通知架喎, 我話, 18號那天我已經俾埋錢, 仲通知埋幾時送貨架啦喎, 跟住佢check, 可能發覺漏左單, 跟住我話咁你27號送唔送到, 佢話應該唔得, 要28號, ok, 28就28啦, 個姐姐仔俾我鬧到係咁哂冧。

到左28號, 佢又打俾肥仔話, 28號送唔到呀, 要28號先送到, 肥仔話29都有人啦, 我話ok, 但佢仲要唔講幾點至幾點喎, 我話你講明呀, 我屋企無人架, 咁佢話四至七啦。我咪叫老豆過去收lor, 跟住肥仔打電話俾我話個人打俾佢要十點, 我話唔係呀十點, 跟住我又打電話去佢個倉, 又係個個姐姐仔, 我話你夠竟幾點送張sofa黎呢, 你同我講五至八, 司機同我講十點, 你地點arrange架, 跟住佢又話搵個司機, 再覆我。佢再覆我時話, 搵唔到司機, 但應該ok的, 我話唔係ok唔ok呀, 係你唔sure我唔會有人係到等呀, 咁你同司機講十點先好送黎, 五至八無人架。

結果, 張sofa係十一點幾先黎到lor, 真係痴線, 好在唔係係到等佢0者, 我順便搬屋0者, 頂, 嬲到爆。